Грузиядан алаяқтық жасады деген күдікті экстрадицияланды, деп хабарлайды kaztoday.kz.
2020 жылы бір топ адам ұйымдасып, субсидия алуға көмек көрсетеміз желеумен 88 тұрғынның ақшасын алған. Жалпы сома — 30 миллион теңгеден асады.
Екі сыбайласы дер кезінде ұсталып, әртүрлі жазаға тартылғанымен, қылмыстың топтың бір мүшесі қашып кетіп, халықаралық іздеу жарияланған.
Бас прокуратура мен Ішкі істер министрлігінің қызметкерлері Қазақстанның Грузиядағы Елшілігінің көмегімен бірнеше рет алаяқтық жасаған Қазақстан азаматын Тбилисиден экстрадициялады.
Қазір күдікті Ақтау қаласының тергеу изоляторына қамауға алынды.
Заң бойынша оның аталған қылмысты жасағаны үшін мүлкі тәркіленіп, 3 жылдан 7 жылға дейін бас бостандығынан айыру жазасы қарастырылған.
