«Имам зәулім үйде, 4 әйелімен тұрады» деп әлеуметтік желіге видео таратқан адам сотқа тартылды, деп хабарлайды kaztoday.kz.
Имамға байланысты жалған ақпарат таратқан адамға қатысты Астана қаласының әкімшілік құқық бұзушылықтар жөніндегі мамандандырылған ауданаралық соты өтті.
Сот барысында әлеуметтік желіге бейнежазба жариялаған адамның дұрыс емес әрекеті жауапқа тартылды. Көпке таралып кеткен видеода зәулім үй көрсетілген. Бейнені түсіріп тұрған адам ол үйдің халықтың қайырымдылыққа берген қаражаттарына салынғанын, оның Астана қаласының бас имамына тиесілі екенін айтқан.
«Айыпталған азамат өз кінәсін толық мойындап, үйдің кімге тиесілі екенін, оның қандай қаражатқа салынғаны белгісіз екенін түсіндірді, бейнероликті видеоны көргендер саны көп болуы үшін жариялағанын айтып, өкініш білдірді», — деп жазылған сот хабарламасында.
