Ақтөбеде автобуста жолақысын төлемеген оқушыға жүргізуші еден жуғызған. ҚР оқу-ағарту министрі Бас прокуратураның осы іске араласуын сұрап отыр, деп хабарлайды kaztoday.kz.
Ақтөбеде қоғамдық көлік жүргізушісі жолақысын төлей алмаған оқушыны еден жууға мәжбүрлегені үшін үлкен дау туындады.
«Қазақстан Республикасы Оқу-ағарту министрлігінің Балалардың құқығын қорғау комитеті Ақтөбеде орын алған оқиғаны қатаң айыптайды. Онда автобус жүргізушісі оқушыны жол ақысының орнына еден жууға мәжбүрлеген. Мұндай өрескел құқық бұзушылықтар жол беруге болмайтын әрекет болып табылады, заңнамаға қайшы келеді және кәмелетке толмаған баланың құқықтарын өрескел бұзады», – деп мәлімдеді Балалар құқықтарын қорғау комитеті.
Комитет бұл оқиғаға Бас прокуратураның араласуын талап етіп, сондай-ақ жергілікті биліктің әрекетсіздігіне байланысты тергеу жүргізуді сұрады.
