Қазақстандықтардың орташа жалақысы 434 мың теңгеден асты, деп хабарлайды Kaztoday.kz.
Ұлттық статистика бюросының мәліметінше, 2024 жылғы IV тоқсандағы медианалық жалақы 308 717 теңге болған. Ал орташа жалақы 435 мың теңгеге жуықтаған.
«Шағын кәсіпорындарды есепке алмағанда, атаулы жалақының орташа мәні 434 982 теңгені құрады. 2023 жылдың сәйкес кезеңімен салыстырғанда 10,5%-ға, нақты мәнде – 1,8%-ға өскен», — делінген хабарламада.
Өңірлер бойынша жалақы Алматы, Шымкент және Қарағанды облысында артқан.
Ал орташа айлық жалақының ең жоғары өсімі тіркелген салалар:
- ақпарат және байланыс – 32,8%;
- ауыл, орман және балық шаруашылығы – 22,7%;
- жылжымайтын мүлік операциялары – 20,3%;
- денсаулық сақтау және халыққа әлеуметтік қызмет көрсету саласында – 7,6%;
- білім беру саласында 5%-ға көбейген.
