Қызылорда облысында 56 ұйымнан қаржылық заң бұзушылықтар анықталды, деп хабарлайды Kaztoday.kz.
Қызылорда облысы бойынша ішкі мемлекеттік аудит департаменті тексерілген 84 ұйымның 56-сынан заң бұзушылықтарды анықтады, бұл жалпы тексерулердің 67%-ын құрайды. Бұл туралы ҚР Қаржы министрлігі Ішкі мемлекеттік аудит комитетінің баспасөз қызметі мәлімдеді.
«2024 жылы Қызылорда облысы бойынша ішкі мемлекеттік аудит департаменті 84 аудиторлық іс-шара аясында қаржылық бақылау жүргізді. Анықталған заң бұзушылықтардың басым бөлігі рәсімдік сипатқа ие және мемлекеттік сатып алу заңнамасының талаптарын сақтамауға байланысты. 84 аудиторлық іс-шараның 56-сында қаржылық заң бұзушылықтар анықталып, бұл жалпы тексерулердің 67%-ын құрады», – деп мәлімдеді Қызылорда облысы бойынша ішкі мемлекеттік аудит департаментінің басшысы Ербол Күзембаев.
Ведомствоның бастамасымен білім беру, құрылыс, денсаулық сақтау және басқа да салалардағы лауазымды тұлғалар тәртіптік жауапкершілікке тартылды.
Қазіргі уақытта комитет пен оның аймақтық департаменттері білім беру, мәдениет және спорт ұйымдарындағы ақша аударымдарын онлайн-мониторингтен өткізуде. 11 тәуекел профилі талдануда, оның ішінде үшінші тұлғалардың шоттарына қаражат аудару, бір қызметкердің бірнеше банк картасына төлем жүргізу және басқа да күмәнді операциялар бар.
