Қызылордада білім беру орталығының есепшісі 50 млн теңге жымқырған, деп хабарлайды Kaztoday.kz.
«Дарын» облыстық қосымша білім беру орталығының бас есепшісі іс-сапар мен жалақыға көзделген 50 миллион теңге бюджет қаражатын өзінің жеке есеп шотына заңсыз аударып алған.
Қылмыстық деректі Қызылорда облысының прокуратурасы бюджет қаражатын жұмсаудың заңдылығы мен тиімділігіне талдау жүргізу барысында анықтаған.
Қазіргі уақытта аталған заңсыздық бойынша Қылмыстық Кодекстің 189-бабы 4-бөлігі, 2-тармағымен қылмыстық іс тіркелді.
