Жетісуда қызыл кітапқа енген жануарларды аулаған орманшылар сотталды, деп хабарлайды Kaztoday.kz.
Былтыр қыркүйек айында «Үштөбе орман шаруашылығы» КММ-нің үш қызметкері тағы бір азаматпен бірлесіп, «УАЗ» қызметтік көлігімен Қызыл кітапқа енген қарақұйрықтарды заңсыз аулағаны анықталған.
Аталған заңсыздыққа байланысты Қаратал аудандық соты үкім шығарды.
Соттың үкімімен ұсталғандардың барлығы ҚР ҚК-нің 337-бабы (заңсыз аңшылық) бойынша кінәлі деп танылып, 3 жылға бас бостандығын шектеу жазасына кесілді.
Сотталушылар мемлекетке келтірілген 7 миллион теңгеге жуық залалды толық өтеді.
Сот үкімі заңды күшіне енді.
