Білім саласындағы кезекті былық. Қызылорда облысында баланы үйден оқыту үшін қызметкерлерге бюджет қаражатын заңсыз төлегендер анықталды, деп хабарлайды Kaztoday.kz.
Бұл жөнінде өңірдің Білім басқармасы басшысы Асқарбек Есжанов кеңейтілген алқа мәжілісінде мәлімдеді. Оның сөзінше, үйден оқытылды деп заңсыз ақша төленген қызметкерлерге қатысты мәселе қолға алынған. Бүгінде бюджет қаражатын кері қайтару үшін жұмыс жүргізіліп жатыр.
Сондай-ақ электронды журналға сабақ өткені туралы жалған мәлімет енгізген Сырдария ауданындағы онға жуық мектеп әшкере болды.
Айта кетейік, №130 орта мектептің мұғалімдері үйден оқытылатын бала денсаулығы нашарлап, ауруханада жатқан уақытта оған 57 сағат сабақ өткен, тіпті баға да қойып жіберген. Әрине, қағаз жүзінде. Білім берушілер электронды журналға оқушының ауырып жатқаны жөнінде мәліметті салмай, керісінше сабақ бергені жөнінде жалған мәлімет келтірген.
Тағы бір дерек, Талсуаттағы №178 мектептің мұғалімдері үйден оқытылатын 9 ерекше балаға сабақ беруге бармаған.
178 мектеп Талсуатта емес Тасбөгетте ғой