Астана — Алматы рейсінің жолаушысы елордалық әуежайда ұсталды, деп хабарлайды Kaztoday.kz.
Orda.kz мәліметінше, ол ұшар алдында денсаулығының нашарлағанын айтып, ұшақтан түспек болған.
Алайда оған медициналық көмек емес, медициналық куәландыру қажет болды.
Белгілі болғандай, 44 жастағы Ресей азаматы жеңіл дәрежеде мас болған. Ұшақтан шығар алдында ол әуе кемесінің алдыңғы есігінің қосымша тұтқасын зақымдап үлгерген. Соның салдарынан рейс кешіктірілді. Жолаушыға қоғамдық орында алкоголь ішкені және ұшақтағы мінез-құлық ережелерін бұзғаны үшін жаза тағайындалды.
Көліктегі полиция департаментінің баспасөз қызметі: «орынсыз мінез-құлық ұшу қауіпсіздігіне кері әсер етіп, ауыр зардаптарға әкелуі мүмкін» екенін еске салды.
Жақында қазақстандық азамат ұшақта шу шығарғаны үшін үш жылға бас бостандығынан айырылған еді. Мас жолаушы бортсерікке шабуыл жасап, төбелес шығарып, бомба туралы мәлімдеген болатын.
Фото: Ольга Ибраева (Orda.kz).
