Талдықорғанда 17 жастағы жасөспірім адам өлтіруге оқталды деген күдікпен ұсталды, деп хабарлайды Kaztoday.kz.
Бұл туралы Жетісу облыстық полиция департаментінің баспасөз қызметі хабарлады.
«Полиция қызметкерлері 17 жастағы күдіктіні ұстады. Қылмыстың ауырлығын ескере отырып, ол уақытша ұстау изоляторына қамалды. Қазіргі уақытта іс адам өлтіруге оқталу фактісі бойынша тергелуде», – деп хабарлады департаменттің баспасөз қызметі.
КазТАГ дерегінше, бұған дейін әлеуметтік желіде түнгі уақытта 17 жастағы 11-сынып оқушысы 21 жастағы жігіттің мойны мен кеуде тұсына пышақ жарақатын салғаны туралы ақпарат тараған болатын.
Қазіргі таңда оқиғаның барлық мән-жайын анықтау үшін кешенді тергеу амалдары жүргізілуде.
«Тергеу барысы Жетісу облыстық полиция департаменті басшылығының ерекше бақылауында», – деп мәлімдеді ведомство өкілдері.
