Астанада 100 млн теңгеге бағаланған кокаин тәркіленді, деп хабарлайды Kaztoday.kz.
Ішкі істер министрлігі тағы бір есірткі бизнесінің жолын кесті.
24 жастағы астаналық ер адамның үйінен ірі көлемде есірткі мен оны сатуға арналған құралдар анықталған. Есірткі қылмысына қарсы іс-қимыл бөлімшесінің қызметкерлері мемлекеттік күзет қызметімен бірлесіп тінту барысында, 600 грамнан астам кокаин, 130 грамнан астам каннабис шайыры, 30 грамнан астам каннабис майы тәркіленді.
Тәркіленген есірткілердің қара нарықта жалпы құны 100 миллион теңгеден асады. Қазіргі уақытта күдікті уақытша ұстау изоляторына қамалды.
