Түркістан облысында мүмкіндігі шектеулі жігітті жылдар бойы ауылдастары зорлап келген, деп хабарлайды Kaztoday.kz
Келес ауданының тұрғыны ұлының ауылдастары тарапынан жылдар бойы зорлық көргенін айтты, бірақ ол бұл туралы айтуға қорыққан.
Otyrar.kz мәліметінше, күдіктілер өз кінәсін мойындамаған, жергілікті имам ауылда жиналыс ұйымдастырған.
Әйелдің айтуынша, оның ұлын алты ер адам, соның ішінде туыстары да зорлап келген. Жігіт анасына болған сұмдықты тек бірнеше жыл өткен соң, биыл ақпандағы кезекті зорлық оқиғасынан кейін ғана мойындаған.
«Сол күні мен үйден шығып кеттім, ал зорлаушылардың бірі үйге келген. Ұлымның айтуынша, ол сабын алып, оны диванға жатқызып, зорлаған. Мен сұрай бастағанда, ұлым бұл жағдайдың көп жылдан бері жалғасып келе жатқанын мойындады», – дейді Айгүл (аты өзгертілген).
Жігіт қорыққандықтан болған оқиғаларды ешкімге айта алмаған және даму ерекшеліктеріне байланысты жағдайдың ауырлығын толық түсінбеген. Қазір отбасы адвокатқа жүгінген.
Жәбірленушінің адвокаты Гүлайхан Турманованың айтуынша, күдіктілер бастапқыда жергілікті ақсақалдардың алдында кінәсін мойындаған, бірақ қазір жазадан құтылуға тырысуда.
«Бастапқыда олар бидің, молданың алдына барып, жиналыс ұйымдастырып, жасаған істерін мойындады. Бірақ кейінірек, жігіттің есейгенін, сөйлеуінде қиындықтар бар екенін түсініп, жазадан құтылуға болатынын ойлады», – дейді адвокат.
Түркістан облысының полициясы «Жәбірленушінің дәрменсіздігін пайдалана отырып жасалған сексуалдық сипаттағы зорлық әрекеттері» бабы бойынша қылмыстық іс қозғады. Күдіктілерден жауап алынып, сот-медициналық сараптамалар тағайындалды.
Қазір тергеу амалдары жүріп жатыр.
Қылмыстық іс қозғалғанына қарамастан, күдіктілер әлі де қамауға алынған жоқ. Жігіттің анасы қылмыскерлердің жазасыз қалуынан қорқады. Медициналық сараптаманың қорытындысы бір ай ішінде дайын болады.
