БҚО-да колледж студенттерінен ақша бопсалаған, деп хабарлайды Kaztoday.kz облыстық прокуратураның баспасөз қызметіне сілтеме жасап.
«Қазіргі уақытта қылмыстық іс Қазақстан Республикасының Қылмыстық кодексінің 194-бабының 2-бөлігі бойынша сотқа жолданды», – делінген хабарламада.
2023 жылы білім беру ұйымдарында Komek Stop Bullying платформасы енгізілгені және бүгінде ол республикадағы 10 облыста жұмыс істейтіні айтылған.
2024 жылы жүйеге белгісіз адамдардың колледж студенттерінен қорқытып ақша талап еткені туралы анонимді хабарлама түскен.
Тексеру нәтижесінде жастардан құралған қылмыстық топ анықталды.
Сонымен қатар, 20-дан астам адамға көмек көрсетілгені айтылды. Көмек оқу үлгерімі, өмірлік мақсаттың болмауы, құрдастарымен қарым-қатынастағы қиындықтар және басқа да мәселелер бойынша көрсетілген.
