Мәжіліс міндетті медициналық сақтандыру мәселелері бойынша заңнамаға өзгерістер енгізу жөніндегі түзетулерді қарауға алды, Kaztoday.kz.
Жобаны әзірлеушілер жарналар төленетін табыстың жоғарғы шегін бес есе арттыруды – 850 мың теңгеден 4,2 миллион теңгеден астам мөлшерге дейін көтеруді ұсынады.
«Жұмыс берушілер мен қызметкерлер үшін міндетті әлеуметтік медициналық сақтандыру (МӘМС) жүйесіне жарналар төленетін табыстың жоғарғы шегін ең төменгі жалақының 10 еселенген мөлшерінен 50 еселенген мөлшеріне дейін ұлғайту ұсынылады. Сондай-ақ жұмыссыздар мен әлеуметтік жағдайы дағдарыстық және төтенше деңгейге жататын азаматтар үшін МӘМС жарналары жергілікті бюджет қаражаты есебінен төленеді», – деді Мәжіліс депутаты Асхат Аймағамбетов.
Бұдан бөлек, кепілдендірілген тегін медициналық көмектің көлемі екі есеге қысқармақ – 57%-дан 32%-ға дейін.
Айта кетейік, бүгінде Қазақстанда 1 ең төменгі жалақы (ЕТЖ) 85 мың теңгені құрайды. Осылайша, заң жобасының әзірлеушілері міндетті медициналық сақтандыру жарналары төленетін табыстың жоғарғы шегін 850 мың теңгеден 4 млн 250 мың теңгеден жоғары мөлшерге дейін көтеруді ұсынып отыр.
Дереккөз: Власть
