Атырау облысы Жылыой ауданы Құлсары қаласындағы «Болашақ» ықшам ауданында жаңа үйлердің қабырғалары жарылып жатыр, деп хабарлайды Kaztoday.kz.
Жергілікті тұрғындардың айтуынша, бұл – былтыр көктемде су тасқыны кезінде зардап шеккендерге салынған үйлер.
Құлсары тұрғыны Замира Алақаева үйінің қабырғасындағы жарықшаны 8 наурызда байқаған.
– Сол күні түстен кейін мердігер компанияға хабарластым. Олар мамандар келеді дегенімен, ешкім келмеді. Тек 9 наурыз, кешкі сағат 18:00-де әкімдікке өзім барып шағым айтқан соң ғана келді, – дейді Алақаева.
Былтырғы сәуірдегі тасқында Құлсарыдағы көпқабатты үйдің бірінші қабатына су кіріп, жертөлесіне су толған. Соның салдарынан Замира Алақаеваның пәтері көктеп, иістеніп, тұруға жарамсыз болып қалған. Әкімдік оған «Болашақ» ықшам ауданынан баспана беріп, 2024 жылы күзде үйге кірген еді…
Дереккөз: Азаттық
