Қазақстанда енді күзетшілер жаппай тексеріледі, деп хабарлайды Kaztoday.kz.
Бұдан былай балаларға қатысты әкімшілік немесе қылмыс жасап, жазасын өтеген азаматтар мектеп пен балабақшаларға күзетші болып жұмысқа кіре алмайды. Бұл жөнінде еліміздің оқу-ағарту министрлігі мәлімдеді.
Енді кәмелетке толмағандарға ашық келемеж жасап, кемсіткен немесе ұрып-соғып, зорлық-зомбылық көрсеткер адамдар білім беру мекемелерінің маңына жуымайды.
Оқу-ағарту министрлігінің басқарма басшысы Тимур Қастуғановтың сөзінше, күзет агенттіктері білім беру мекемелерінде жұмыс істегісі келсе, бірнеше бақылаудан өтуі тиіс. Ал күзетшілер ішкі істер органдарының базасы арқылы тексерістен өткізіледі.
Бізде мемлекеттік қызметке орналасқанда, жақындарымыздың арасында істі болғандардың бар-жоғына назар аударылады. Сол сияқты балаларға қатысты қандай да бір ұсақ қылмыс жасағандар мектепті күзете алмайды”, – деді Тимур Қастуғанов.
Жаңа талаптарға сәйкес күзет агенттіктерінің қызметтік қару ұстауға рұқсаты болуы тиіс. Сондай-ақ салығы толық өтелуі керек.
Бұған қоғам өкілдерінің пікірі әртүрлі. Бірі жеңіл қылмыс жасап жазасын өтегендерге екінші мүмкіндік беру керек дейді. Екіншілері жаңа бастаманы қолдайды.
“Әрине, балаларға қарсы қылмыс жасағандарды мектеп пен балабақшаға жұмысқа жіберуге болмайды. Бірақ басқа мекемелерді күзетуге жіберу керек. Ол адам түзелуі мүмкін. Ол адам жұмыс істеп, ақша табуы керек. Сол үшін кадр тапшылығы да туындауы мүмкін”, – деді күзет агенттігінің өкілі Виктор Теперев.
Жаңа өзгерістер 27 наурызға дейін қоғам талқысына ұсынылған.
