Шымкентте тәртіп сақшылары 25 жастағы есірткі тасымалымен айналысып жүрген азаматты қолға түсірді, деп хабарлайды kaztoday.kz.
Заңсыз айналымға Есірткі қылмысына қарсы іс-қимыл бөліністерінің қызметкерлері тосқауыл қойған.
ІІМ есірткі қылмысына қарсы іс-қимыл комитеті төрағасының орынбасары Данияр Мейірханның сөзінше, ұсталған адамнан есірткі және синтетикалық есірткілерді өткізуге арналған заттар тәркіленген.
— Оның айтуынша, ол есірткі таратумен айналысып, интернет-есірткі дүкені үшін ораушы әрі курьер қызметін атқарған. Тәркіленген есірткінің жалпы салмағы бір килограмға жуық. Күдікті ұсталып, уақытша ұстау изоляторына қамалды, — деді Данияр Мейірхан.
