12 жастағы қызды зорлаған 17 жастағы жасөспірімге сот үкімі шықты, деп хабарлайды kaztoday.kz.
Информбюро31 мәліметінше, Павлодарда кәмелетке толмаған қыз бала жүкті болып қалған. Қазіргі күні 17 жастағы жігіттің кінәсі сараптама арқылы дәлелденіп отыр. Ал екіқабат қыз перинаталдық орталықта баласын босанған. Ана мен баланың жағдайы жақсы. Ол отбасымен басқа жаққа көшіп кеткен.
Қыз зорлаған 17 жастағы жасөспірімге «Баланы зорлау» және «Жыныстық зорлық-зомбылық» бабы бойынша айып тағылған.
— Қылмыс аса ауыр санатқа жататындықтан, заңда өмір бойына бас бостандығынан айыру түріндегі жаза қарастырылған. Алайда, сот кәмелетке толмағанға 10 жылдан астам жаза тағайындай алмайтындықтан, айыпталушы М. 10 жылға бас бостандығынан айырылды, деді судья.
