Оңтүстік Кореяда Қазақстан азаматтары жол апатына түсті, деп хабарлайды kaztoday.kz.
Оңтүстік Кореяда Қазақстан азаматтары жол апатынан қаза тапты. Korea JoongAng Daily басылымының хабарлауынша, апат 27 наурыз түнінде Кёнгидо провинциясында болған.
Олардың мәліметінше, төрт қазақстандық азаматты тасымалдайтын көлік Сохэан жылдамдық тас жолында жардан құлап кеткен. Салонда болған барлық жолаушылар қаза тапты.
«Түнгі сағат 12:30 шамасында Mercedes-Benz маркалы көлік, ішінде төрт адам болған, Кёнгидо провинциясының Хвасон қаласындағы жолдың оң жағындағы қоршауға соғылған. Содан кейін көлік бірнеше метрге ұшып барып, соққыдан кейін отқа оранған», — деп жазылған басылымда.
Өрт сөндірушілер апаттан кейін жарты сағаттан соң көлікті сөндірді. Ішінде төрт ер адамның сүйектері табылды, олардың жеке басы әзірге анықталған жоқ.
Полиция апаттың себебін зерттеп жатыр.
