Түркістан облысында патрульдер Беларусьтен келген саяхатшыларды тоқтатқан. Саяхатшылардың айтуынша, полиция қызметкерлері Қазақстандағы техникалық тексеріс болмауы және камераға түсуі үшін 200 мың теңге талап еткен, деп хабарлайды kaztoday.kz.
Саяхатшылар арасында блогер Александр Гулько да болған. Оның айтуынша, олар жолда ешқандай заңбұзушылық жасамаған, бірақ дәлелдерін көрсетпеген. Полиция қызметкерлері ақшаны алған соң, оларды қайта тоқтатпауға уәде еткен көрінеді.
Ішкі істер министрлігінің өкілдері әлеуметтік желілерде осы оқиғаның видеосын көргенін хабарлады. Осыған байланысты қылмыстық іс қозғалған, сондай-ақ, бөлім басшылығына қатысты қызметтік тергеу басталған.
Ішкі істер министрлігі ресми арыздардың әлі түспегенін, көліктің тіркеу деректері анықталмағанын мәлімдеді. Сонымен қатар, министрлік сыбайлас жемқорлықпен күрес негізгі басымдық екенін және кінәлілер заң бойынша жазаланатынын айтты.
