Шетелдіктерден 200 мың теңге пара алған түркістандық полицейлер жұмыстан шығарылды, деп хабарлайды kaztoday.kz.
Бұл туралы Ішкі істер министрінің орынбасары Игорь Лепеха мәлімдеген. Шенеуніктің сөзінше, қазір тексеру жұмыстары жүріп жатыр.
— Іс қозғалды. Видеодағы полиция қызметкерлері жұмыстан қуылды, дейді И.Лепеха.
Бұған дейін түркістандық патрульдер Беларусьтен келген туристердің көлігін тоқтатып, олардан 200 мың теңге талап еткені жөнінде шетелдік блогер дабыл қаққан болатын. Туристердің сөзінше, жол полицейлері оларды Қазақстанның техникалық тексерісінен өтпегені және бейнебақылау камерасына түскені үшін айыптаған. Көлікте танымал блогер Александр Гулько да болған.
Қазақстанға бірінші рет барғанда бізге гаишниктер мұнда аямайтынын айтқан еді. Олар бізге “не 200 мың теңге бересіңдер немесе көлікті тәркілейміз” деді. Біз қарсыласқан жоқпыз. Төледік те, таңғалып, ары кете бердік. Кейін бізге Түркістаннан өзіндік қауіпсіздік қызметкерлері хабарласты. Болған оқиға тексеріліп жатқанын, ақша берген полиция қызметкерлерінің көлік нөмірі қандай болғанын сұрады. Біз шынымызды айтсақ, есте сақтамаппыз, – дейді блогер.
