Украина Ресей жағында соғысқан қазақстандықтардың тізімін жариялады, деп хабарлайды kaztoday.kz.
Бұл туралы Азаттық хабарлады.
Онда 600-ден астам қазақстандықтың аты-жөні бар. Украина қорғаныс министрлігіне қарасты «Хочу жить» (Өмір сүргім келеді) орталығы мәліметті Ресей әскеріндегі аты-жөні аталмаған тұлғалардан алғанын айтты.
Орталық өкілдерінің сөзінше, Орталық Азия азаматтарын Ресей әскеріне тарту негізінен үш жолмен жүреді: алдау, көп ақша береміз деп уәде беру немесе қысым көрсету.
Қазақстанның құзырлы органдары әзірге тізімге реакция білдірген жоқ. Қазақстан заңы азаматтарына шетелдегі қақтығыстарға қатысуға тыйым салады. Бұған дейін елде Ресей әскері қатарында соғысқан қазақстандықтар сотталған.
