Қазақстан Республикасының Бас прокуратурасының хабарлауынша, аса ірі көлемде алаяқтық жасады деген күдікпен Қазақстан азаматшасы Қырғыз Республикасынан экстрадицияланды, деп хабарлайды kaztoday.kz.
«Қазақстан Республикасының Бас прокуратурасы Қырғыз Республикасынан аса ірі көлемдегі алаяқтық әрекеттері үшін қылмыстық жауапкершілікке тарту мақсатында Қазақстан азаматшасын экстрадициялады», – делінген ресми хабарламада.
КазТАГ мәліметі бойынша, 2023 жылғы маусым айында күдікті алдын ала сөз байласқан адамдар тобымен бірге Алматы қаласындағы банктердің біріне клиенттер атынан олардың банк шоттарына байланған телефон нөмірлерін ауыстыру туралы жалған өтініштер жолдаған. Осылайша, олар аталған шоттарға қол жеткізген.
Одан кейін қашықтан қол жеткізу арқылы бес жәбірленушінің шоттарынан «дропперлердің» (яғни, үшінші тұлғалардың) есепшоттарына ақша аударып, қаражатты иемденген.
Күдіктінің қылмыстық әрекеттерінің салдарынан жәбірленушілерге 230 миллион теңгеден астам зиян келтірілген.
Ол биылғы қаңтар айында Бішкек қаласының әуежайында ұсталып, Қазақстан Республикасының Бас прокуратурасының сұранысы бойынша отанына экстрадицияланды.
Қазіргі уақытта күдікті тергеу изоляторына қамалды.
Фото дереккөзі: ҚР Бас прокуратурасының баспасөз қызметі
