Ақтөбелік тұрғын полицияны сотқа беріп, жеңіп шықты, деп хабарлайды kaztoday.kz.
Өткен жылдың 16 маусымында сотқа талап қоюшылардың ағасы суға батып қайтыс болған. Полиция қызметкерлері мәйітті қарағаннан кейін, оның туыстарына хабарламаған. Денесін бейітханада ұстап, 6 қыркүйекте іздеуі жоқ тұлға ретінде жерлеген.
Ал марқұмның туыстары бұл жөнінде тек 9 қыркүйек күні білген.
Сот отырысында тәртіп сақшылары туыстарының қай жерде тұратынын біле тұра, болған жайтты хабарлау үшін ешқандай шара қолданбағаны анықталды. Осылайша сот шешімімен әр талап қоюшының пайдасына 300 мың теңгеден өндірілді.
