Алматыда көпқабатты үйден құлап көз жұмған қыздың анасы әділдік іздеп жүр, деп хабарлайды kaztoday.kz.
Қайғылы оқиға былтыр шілде айында болған.
4-курс студенті Ақнәр Хамиттің анасы қызын әдейі құлатқанын айтып дабыл қағуда.
Гүлстан Хамит оқиға туралы тілшімізге айтып берді.
«Түннің бір уағында қызымның телефонынан таныс қыздың бірі мас күйде телефон шалып, «Ақнәрді ұрып жатыр. Шашын жұлып, төбелесіп жатыр» деді. Сөйлесейін деп едім, қызымның өзіне тұтқаны бермеді. Сол қоңыраудан соң бейтаныс қыз қайтып тұтқаны көтермеді, не қызым жауап бермеді», — дейді Ақнәрдің анасы.
Гүлстан Хамит бір жыл бойы әділдік күткенін, ал күдіктілер бостандықта жүргенін айтады.
Қалалық полиция департаменті тергеудің дұрыс жүріп жатқанын жеткізді.
Дереккөз: Paryz.kz
