Павлодарда баланы сүндетке отырғызамын деп денсаулығына ауыр зиян келтірген дәрігер сотталды, деп хабарлайды Kaztoday.kz.
Өткен жылы дәрігер-хирург баланы cүндетке отырғызған. Алайда ол ота кезінде баланың денсаулығына абайсызда ауыр зиян келтірген.
Сот кезінде дәрігер өз кінәсін мойындамаған. Десе де айыпталушының кәмелетке толмаған үш баласының барын, бұған дейін қылмысты болмағанын сот ескерусіз қалдырмады. Пробациялық бақылау белгілеп, мәжбүрлі еңбекке тарту арқылы 1 жылға бас бостандығын шектеу жазасын тағайындады. Сонымен қатар 1 жыл мерзімге медициналық қызмет көрсету құқығынан айырылды.
