Алматыда ұн зауытындағы жарылыстан зардап шеккендердің барлығы қайтыс болды, деп хабарлайды kaztoday.kz.
23 мамыр күні Алматы облысы Жібек жолы ауылында орналасқан «АзияАгроФуд» зауытында жарылыс болған. Апаттан 4 адам зардап шеккен еді. «АзияАгроФуд» компаниясының мәліметінше, бүгінде сол адамдардың барлығы қайтыс болды.
«Жерлеу рәсімдерін ұйымдастыруға байланысты барлық шығынды компания өз мойнына алады. Сондай-ақ марқұм болған әріптестеріміздің артында қарыздары болса, толық өтеледі», — делінген компания хабарламасында.
Қазіргі таңда апатқа қатысты тергеу жүріп жатыр.
