Солтүстік Қазақстан облысы Тайынша ауданындағы кәсіпорын аумағында жарылыс болып, 8 адам жарақат алды, деп хабарлайды Kaztoday.kz.
Облыстық полиция департаментінің мәліметінше, 25 маусым күні сағат 16:17-де Тайынша аудандық полиция бөлімінің кезекші бөліміне аудан кәсіпорындарының бірінде өрт шыққаны туралы хабар түскен.
«Алдын ала мәліметтер бойынша, өрт шығып, кәсіпорынның екі жинақтағышы жарылған, артынан Volvo маркалы газ автоцистернасы жанған», – деп хабарлады ведомствоның баспасөз қызметі.
Оқиға орнына шұғыл түрде өрт сөндірушілер, полиция және басқа да жедел қызмет өкілдері жеткен.
Жарылыс салдарынан 8 адам зардап шегіп, ауруханаға жеткізілген.
