ҚР-ның «Сайлау туралы» Конституциялық заңының талаптарына сәйкес, 29 маусым күні Арықбалық ауылдық округі әкімінің сайлауы өткізіліп, ауыл халқы өз таңдауын жасады. Сайлаудың қорытындысы бойынша «Аmаnаt» партиясынан ұсынылған кандидат Сералиев Нұркен Жарболұлы басым дауысқа ие болып, аудандық сайлау комиссиясының шешіміне сәйкес Арықбалық ауылдық округінің әкімі ретінде сайланды.
Нұркен Жарболұлы — 1981 жылы Қазалы ауданында дүниеге келген. Білімі жоғары. 2003 жылы Қызылорда экономика, экология және құқық университетін «Заңгер» мамандығы бойынша бітірген.
Еңбек жолын 2004 жылы Сарыкөл ауылдық округі әкімінің аппаратында заңгер болып бастаған. 2007-2013 жылдары аралығында Қазалы аудандық әділет басқармасында жетекші маман, бас маман, 2013-2019 жылдары аралығында Әйтеке би кенті әкімінің аппаратында құжаттамалық қамтамасыз ету құқықтық жұмыстары бөлімінің басшысы, есеп және шаруашылық бөлімінің басшысы, 2019-2023 жылдар аралығында Ақжона ауылдық округінің әкімі қызметтерін атқарған.
2023 жылдан осы кезге дейін аудандық отбасын қолдау орталығының директоры қызметін атқарып келді.
