ҚР Парламенті Мәжілісінің депутаты Мархабат Жайымбетов жұмыс сапары барысында аудан орталығындағы Қазалы мәдени-демалыс кешенінде салынып жатқан жаңа спорт кешенінің құрылысымен де танысты.
Қазіргі таңда құрылыс жұмыстарын «Болашақ» ЖШС жүргізуде. Жобаның жалпы құны — 655,492 млн теңге. Құрылыс басталған кезеңнен осы уақытқа дейін нысанның іргетасы құйылып, колонна жұмыстары, 10 кВ электр желісін және ауыз су жүйесін тарту секілді жұмыстар атқарылған. Құрылысты толықтай аяқтау үшін қаржыландыру қажет. Қазіргі кезде 2025 жылға арналған қосымша келісімшарт жасалып, құрылыс жұмыстары жалғасуда.
Мәжіліс депутатына құрылыс жұмыстарының жүргізілу барысы туралы аудан әкімінің орынбасары Жалғас Сүйеубаев таныстырып өтті.
Мархабат Жайымбетұлы спорт нысаны жергілікті халықтың салауатты өмір салтын қалыптастыруына үлкен серпін беретінін атап өтіп, жобаны қаржыландыру бағытында жұмыс жасайтынын жеткізді.
