Жамбыл облысында шекарадан заңсыз өтпек болғандар ұсталды, деп хабарлайды Kaztoday.kz.
Өткен жылы 14-маусымда Қордай ауданы Енбек ауылының жанында шекара қызметімен бақылау-өткізу пунктінен тысқары жерде Қырғыз Республикасымен мемлекеттік шекараны заңсыз кесіп өткен 3 адам қолға түсті. Олар Өзбекстан азаматы болып шыққан.
Ұсталған өзге елдің азаматтарына заң бұзғаны үшін ҚК-нің 392-бабы 1-бөлігімен қылмыстық іс тіркелді.
Нәтижесінде қылмыстық істер аудандық сотқа жолданған.
Сот оларды 6 айға бас бостандығынан айыра отырып, Қазақстан Республикасы аумағынан 5 жылға шығару жазасын берді.
Бұдан соң шетелдік азаматтарға заңсыз жолмен көші-қон ұйымдастырып жүрген 3 жергілікті тұрғын белгілі болды.
Аталған дерекке байланысты іс ҚК-нің 394-бабының 2-бөлігі бойынша сотқа жолданды.
Оларға 5 жылға дейін бас бостандығынан айыру жазасы қарастырылуы мүмкін.
