Шығыс Қазақстанда жантүршігерлік жол апаты болып, 4 адам қаза тапты, деп хабарлайды Kaztoday.kz
ШҚО полиция департаменті баспасөз қызметінің мәліметіне сәйкес, қайғылы оқиға «Күршім-Қалжыр» тасжолында болған.
Lada Granta және Hyundai Santafe соқтығысып, салдарынан Lada Granta жүргізушісі мен үш жолаушысы оқиға орнында мерт болды.
Полиция аталған факті бойынша қылмыстық іс қозғады. Қазіргі уақытта сотқа дейінгі тергеу амалдары жүргізіліп жатыр. Соның нәтижелері бойынша процессуалдық шешім қабылданады, — деп хабарлады ШҚО полиция департаменті баспасөз қызметі.
