«Синематика» кинотеатрлар желісі мұндай шешімге не себеп болғанын айтпады, деп хабарлайды Kaztoday.kz.
19 ақпанда Бішкекте қазақстандық режиссер Ақан Сатаевтың «Рэкетир 3» фильмінің жабық көрсетілімі өткен, 20 ақпанда әлеуметтік желіде фильм актерлерімен бірге Руслан Қамшының жүрген видеосы тарады.
Руслан – қылмыс әлеміне танымал Қамшы Көлбаевтың ұлы, Көлбаевты 2023 жылғы күзде Қырғызстанның ұлттық қауіпсіздік жөніндегі мемлекеттік комитетінің арнайы операциясы кезінде атып өлтірген.
Азаттық хабарлағандай, фильмді прокаттан алып тастауға мұның қатысы бар-жоғы ресми түрде айтылмады.
«Рэкетир 3» фильмінде басты рөлді сомдаған актер Саят Исембаев желіге видео жариялап, «Руслан Қамшының фильмге қатысы жоқ, ол жабық көрсетілімге басқалар сияқты шақырылды» деп мәлімдеді. Актер Қырғызстан билігін фильмді көрсетуге рұқсат беруге үндеді, Исембаевтың пікірінше, қырғыз халқы бұл фильмді көруді күткен.
