28 наурыз күні түнде Жамбыл облысы және Тараз қаласында жел сілкінді. Облыс әкімдігі ресми мәлімдеме жасады, деп хабарлайды kaztoday.kz.
Жер дүмпуінің магнитудасы Меркі ауданында 5,1 балға жетсе, Құлан ауылында 4 балл болған. Ал Тараз, Шу қалалары, Қордай, Мойынқұм аудандарында 2 балды құраған.
Зілзала салдарынан 12 тұрғын үй мен 17 әлеуметтік нысан зақымдалған.
Меркі ауылындағы балабақша жұмысын тоқтатты. Себебі ғимараттың 40%-ы бүлінген. Ондағы 250 бала сәуір айының ортасына дейін балабақшаға бармайды. Осыған байланысты аудандық білім бөлімі балаларды басқа балабақшаларға бөлуді көздеп отыр.
Қазіргі уақытта облыс әкімінің тапсырмасымен облыстық жедел штаб жұмыс істеп жатыр.
Барлық тіршілікті қамтамасыз ету жүйелері қалыпты жұмыс істеп жатыр. Зардап шеккендер туралы мәлімет жоқ. Алдын ала мәлімет бойынша Т.Рысқұлов ауданы Қарақыстақ ауылындағы мәдениет үйі, Меркі аудандық ауруханасы, Ойтал ауылындағы мектеп ғимаратының қабырғасында жарықтың пайда болғаны анықталды. Басқа нысандар туралы ақпарат нақтыланып жатыр, — делінген ресми ақпаратта.
