Атырауда 7 жастағы қызды көлік қағып, қаза тапты.

Қайғылы оқиға Атырау қаласында Әл-Фараби атындағы BINOM мектебінің алдында болған — көлік қағып кеткен 7 жастағы қыз бала көз жұмды.
Алдын ала мәлімет бойынша, бала жедел жәрдем келгенге дейін оқиға орнында қайтыс болған.
Полиция дерегінше, 1974 жылы туған жүргізуші Toyota Hiace көлігін басқарып келе жатып, жаяу жүргіншілер өткелінен өтіп бара жатқан қызды қағып кеткен. Оқушы ауыр жарақат алып, жедел жәрдем келгенге дейін оқиға орнында көз жұмған.
Аталған факті бойынша қылмыстық іс тіркеліп, тергеу жүргізілуде.