Ұлттық қауіпсіздік комитеті (ҰҚК) мен Ішкі істер министрлігі (ІІМ) ұйымдасқан қылмыстық топтардың қызметін, шекара маңындағы қылмыстық схемаларды және қылмыстық-атқару жүйесі нысандарындағы заң бұзушылықтарды тоқтатуға бағытталған бірлескен арнайы операция өткізді.
Операция нәтижесінде 29 адам ұсталып, олардың 9-ы уақытша ұстау изоляторына (УҰИ) қамалды.
Арнайы іс-шара барысында құқық қорғау органдары 25 дана қару, 2 граната және 236 оқ-дәрі тәркіледі.
Аталған фактілер бойынша сотқа дейінгі тергеу амалдары жүргізілуде.
ҰҚК мәліметінше, тергеу мүддесіне және қолданыстағы заңнама талаптарына байланысты әзірге өзге ақпарат жарияланбайды.
