Енді халық көлік салығынан босатылады, деп хабарлайды kaztoday.kz.
Қырғызстан халқы бұдан былай көлік салғын төлемейді.
Бұл туралы көрші елдің президенті Садыр Жапаров мәлімдеді. Ол жарлыққа қол қойып, бұл салық түрінен ел азаматтары босатылатынын айтты.
Сондай-аө көлік салығын қаңтар айына дейін төлемегендердің қарыздары кешірілмек.
Президент Садыр Жапаровтың бұл шешімді шығаруына Жол қоры туралы Заңның күшіне енуі себеп болған. Яғни, өзгерістерге сәйкес, жанармайдың әр литрі үшін жүргізушілерден бір сом алынады. Билік өкілдерінің сөзінше, салықтың жаңа түрінен түсетін қаражат жолдарды жөндеуге және күтіп ұстауға жұмсалады.
2019 жылы Қырғызстан үкіметі Еуразиялық экономикалық одақтан (ЕАЭО) үшінші елдерден әкелінетін көліктерге баж салығының жеңілдетілген мерзімін ұзартуды сұраған болатын. Бұл жеңілдік 2019 жылдың 31 желтоқсанында аяқталып, 2020 жылдың 1 қаңтарынан бастап баж салығының мөлшері айтарлықтай өсуі тиіс еді. Мысалы, 2009 жылы шығарылған 2,5 литрлік «Toyota Camry» көлігінің баж салығы бұрын 1250 доллар болса, 2020 жылдан бастап 13 600 долларға дейін өсуі жоспарланған.
Қазақстанда да көлік салығын жою мәселесі талқыланғанымен, қазіргі уақытта мұндай өзгеріс енгізу жоспарланбаған.
