Жедел-жәрдем көлігіне кілем тиеген, деп хабарлайды kaztoday.kz.
Telegram-дағы «Жалобы Астана» арнасында жедел-жәрдем көлігіне екі ер азаматтың кілем тиеп жатқан бейнесі жарияланған. Видео Астананың орталық базарында түсірілген.
«Міне, халқым, біз күтетін жедел жәрдем қайда жүргенін қараңыздар. Бұл енді сұмдық», — делінген жазбада.
Астаналық қоғамдық денсаулық сақтау басқармасы өкілдері аталмыш жайтқа байланысты түсініктеме берді.
Жүргізуші шаруашылық басқармасы басшысының тапсырмасымен Орталық базар аумағына бұрын балалар бөліміне сатып алынған тұрмыстық заттарды (кілемдерді) тиеу үшін барды. Жүргізуші мен шаруашылық басқармасы басшысына қатаң сөгіс беріліп, тәртіптік шаралар қолданылып, профилактикалық әңгімелер де жүргізілді, деп хабарлады қоғамдық денсаулық сақтау басқармасы өкілдері.
