Бұл туралы Қаржы нарығын реттеу және дамыту агенттігі департамент басқармасының бастығы Бағдат Зәуірбеков мәлімдеді. Банктер қарыз алушының төлем қабілеттілігін бағалау үшін барлық қаржылық міндеттемелерді, соның ішінде ломбард алдындағы берешектерді де тексереді.
Ломбардтар микрокредиттер туралы ақпаратты кредиттік бюроларға береді, сондықтан бұл мәліметтер несие тарихына енгізіледі. Өтелмеген немесе мерзімі өткен қарыздары бар азаматтардың несие алу мүмкіндігі төмендейді.
Кепіл мүлкі сатылған жағдайда, қарыз алушының міндеттемелері жойылады. Ломбардтар берешекті өтеу мерзімі өткен соң кепілді сатуға құқылы.
Қаржы нарығын реттеу агенттігі мұндай қарыздар жалпы қарыздық жүктемені есептеу кезінде ескерілетінін атап өтті. Сондықтан несие алғысы келетіндер қарыздарын уақтылы өтеуі қажет.
