Құқық қорғау органдары көлік иелеріне техникалық регламент талаптарын сақтаудың маңыздылығын ескертіп, көлікті қысқы маусымға дайындауға шақыруда.
1 желтоқсаннан бастап көлік дөңгелегін мезгілге сай ауыстырмаған жүргізушілерге ҚР Әкімшілік құқықбұзушылық туралы кодексінің 590-бабының 5-бөлігіне сәйкес 5 АЕК (18460 теңге) көлемінде айыппұл салынады.
Мамандардың айтуынша, дөңгелектерді уақытында ауыстыру тек жол қозғалысы қауіпсіздігін қамтамасыз етіп қана қоймай, жазатайым оқиғалардың алдын алады. Қысқы маусымда көліктің техникалық дайындығына ерекше назар аудару қажет.
