Қызылорда қаласында пайдаланылмай жатқан жер учаскелерін мемлекет меншігіне қайтару жұмыстары жүргізілуде. Бәйтерек тұрғын ауданында жеке тұрғын үй құрылысы үшін бөлінген 9 800 гектар аумақтағы 5 112 жер учаскесінің 1 883-і мақсатына сай игерілмегені анықталды. Бұл учаскелерде инженерлік инфрақұрылымдардың ұрлану деректері тіркелген.
Сала мамандары осындай жерлерді заң талаптарына сәйкес мемлекетке қайтару шараларын қолға алуда. Қала бойынша 71 304 адам жер кезегінде тұр, мемлекет меншігіне қайтарылған учаскелер осы азаматтарға берілетін болады.
