Қар тазалау жұмыстарына 605 арнайы техника мен 1080 маман жұмылдырылды.
Қазгидрометтің мәліметінше, таңғы сағат 9:00-де Алматыда қар қалыңдығы 22 сантиметрге, Каменск үстіртінде 40 см-ге, Шымбұлақта 42 см-ге жетті. Бұл бір күнде желтоқсан айындағы орташа жауын-шашын мөлшерінің 32%-ін құрады.
Алдағы күндері ауа температурасы күндіз -8 °C-қа дейін төмендейді. Кей жерлерде тұман түсуі мүмкін.
Коммуналдық қызметтер жүргізушілерден жылдамдықты шектеу, қашықтық сақтау және қар тазалау техникаларының жұмысына кедергі келтірмеу секілді сақтық шараларын ұстануды сұрайды.
