Антикор мүгедек балалардың ата-анасынан пара алған шенеунікті ұстады, деп хабарлайды Kaztoday.kz.
Сыбайлас жемқорлыққа қарсы іс-қимыл агенттігінің Шымкент қаласы бойынша департаменті Мемлекеттік еңбек инспекциясы комитетінің қалалық департаментінің бөлім басшысының міндетін атқарушы азамат ұсталып, сотқа дейінгі тергеу аяқталды.
Шенеунік мүмкіндігі шектеулі балалардың ата-аналарынан мүгедектік топтарын белгілеу үшін 850 мың теңге пара алды деп айыпталып отыр.
Пара ретінде берілген ақша қаражаты қалалық емханалардың бірінде жұмыс істейтін медбикенің көмегі арқылы алынған.
Қазір Шымкент қалалық прокуратурасы айыпталушыларды сотқа берді.
