Қызылорда қаласында Батырбаев көшесіндегі бес қабатты тұрғын үйдің бірінші қабатындағы пәтерде тұрмыстық заттар өртенді. Оқиға 19 желтоқсанға қараған түні орын алған, деп хабарлайды Kaztoday.kz.
Төтенше жағдайлар министрлігінің күштері оқиға орнынан 40 адамды, оның ішінде 13 баланы эвакуациялады. Бұған қоса, арнайы автосатының көмегімен тағы 3 бала қауіпсіз жерге шығарылды.
Оқиға орнына медицина және апаттар орталығының қызметкерлері мен жедел жәрдем бригадасы шақырылып, тұрғындарға қажетті көмек көрсетті. Абырой болғанда, өрт толықтай сөндіріліп, зардап шеккендер тіркелмеді.
Бұл жағдай тұрғындардың қауіпсіздік ережелерін сақтаудың маңызды екенін тағы бір мәрте еске салады.
Kaztoday.kz ақпарат агенттігі
