Өз анасын өлтірген ер адамға сот үкімі шықты, деп хабарлайды kaztoday.kz.
Жамбыл облыстық соты туған анасын өлтірді деп айыпталған ер адамның ісін апелляциялық сатыда қарады.
Қайғылы жағдай 2024 жылдың қыркүйегінде болған. Жанжал барысында баласы анасының кеудесіне пышақ ұрған. Анасы сол жерде мерт болған.
Сот барысында ер адам анасын өлтірмек ниеті болмағанын айтқан. Десе де кінәні ішінара мойындаған. Ол қылмысын оқыс оқиға деп атаған. Ал жәбірленуші ретінде сөз сөйлеген ағасы жазаны соттың шешімін қалдырды.
Сот ішінара кінәні мойындағанын, істеген ісіне өкінгенін, бұрынғы соттылығының жоқтығын жеңілдететін жағдайлар деп тапты. Мас күйінде қылмыстық құқық бұзушылық жасау ауырлатады, — деп хабарлады баспасөз қызметі.
Осылайша сот анасын өлтірген ер азаматқа 13 жылға бас бостандығынан айыру жазасын тағайындады. Ол жазаны жеңілдетуді сұрап шағым түсірген, алайда сот үкімді негізді және заңды деп тауып, өзгеріссіз қалдырды.
Шешім заңды күшіне енді.
