Жазушы Мұхтар Мағауин өмірден өтті, деп хабарлайды kaztoday.kz.
Қазақстанның Халық жазушысы, мемлекеттік сыйлықтың лауреаты Мұхтар Мағауин АҚШ-тың Мерилэнд штатында дүниеден озды. Бұл жөнінде жазушының ұлы Едіге Мағауин желідегі жеке парақшасында жазды.
«Арыстан әкем фәниден бақиға аттанып кетті. АҚШ-тың Мерилэнд штатындағы үйінде, бала-шағасының ортасында, 2025 жылғы қаңтардың 9-ы, жергілікті уақыт бойынша сағат 19:55-те», – делінген жазбада.
Заңғар жазушы Қазақстан уақыты бойынша 10 қаңтар күні таңғы сағат 5:55-те қайтыс болған.