Алматы қаласындағы балабақшалардың бірінде бүлдіршіндерге күйген картоп берген, деп хабарлайды kaztoday.kz.
Алматы қаласындағы №166 балабақшада бүлдіршіндерге ұсынылған тағамның сапасы жөнінде Диас Нұрақын әлеуметтік желідегі парақшасында жариялады.
Ай сайын әр баладан 25 мың теңгеден жинап алып, күйген картоппен қатырады екен. Оны ата-аналар түсіріп алған. Ішінде бір түйір еті де жоқ, деп жазды әлеуметтік желі қолданушысы Д.Нұрақын.
Сондай-ақ ол балабақша жүйесіне тексерус керегін тілге тиек етті.
Маңғыстаудағы шудан кейін жаппай мектеп асханасын тексеріп кетті ғой. Енді сондай науқан балабақшаларға да керек сияқты. Қуырылған әрі күйген картоп баланың асқазанын ауыртпай ма? Мемлекеттік балабақшадағы мынадай былыққа Алматы қаласының әкімдігі қалай жауап берер екен?, деді Диас Нұрақын.
