Қазақстан халықаралық іздеу жариялаған күдікті Беларусьтен экстрадицияланды, деп хабарлайды kaztoday.kz.
Бас прокуратураның қызметкерлері күдіктіні Беларусь Республикасынан ірі мөлшердегі алаяқтық үшін қылмыстық жауаптылыққа тарту мақсатында экстрадициялады. Күдіктіні елге қайтаруға Қазақстанның Беларусьтегі Елшілігінің көмек берген.
Ол, 2022 жылдың қаңтарынан 2023 жылдың тамызына дейінгі кезеңде Түркістан қаласында бір топ адам болып әрекет етіп, кәсіп ашу үшін тегін ақшалай грант алуға көмектесеміз деген сылтаумен 13 азаматтың қаражатын ұрлаған, оларға 10 миллион теңгеден ірі мөлшерде шығын әкелді, делінген хабарламада.
Аталған қылмыстық іс бойынша күдіктінің сыбайласы сотталған, ал өзі заңсыз әрекет жасағаннан кейін қашып кеткен және халықаралық іздеу жарияланған.
Былтыр қазан айында ол Беларусьте ұсталып, Қазақстан Бас прокуратурасының өтініші бойынша отанына экстрадицияланды.
Қазір күдікті Астанадағы тергеу изоляторына қамалды.
Бұл қылмысты жасағаны үшін мүлкін тәркілеу арқылы 3 жылдан 7 жылға дейін бас бостандығынан айыру түрінде жаза қарастырылған.
