Қызылордада патрульдік полиция қызметкері өзін өзі өлтіргелі жатқан адамды құтқарып қалды, деп хабарлайды kaztoday.kz.
Қызылорда қаласындағы тұрғын үйлердің бірінде ер адам суйцид жасамақ болған. Бұл жөнінде 102 кезекші пультіне ақпарат келіп түскен.
Дер кезінде оқиға орнына барған патрульдік полиция қызметкерлері Айдархан Кенжебекұлы және Шыңғыс Жалғасбай үй ауласында ер адамның ағаш баспалдаққа асылып жатқандығын көреді. Олар бірлесіп әрекет жасап, ер кісіні өлімнен арашалап қалған.
Құтқарылған азамат жәрдем қызметкерлеріне тапсырылып, полицейлердің еріп отыруымен ауруханаға жеткізілді.
