Ақтөбе полициясы перзентханада бала сату фактісін анықтап, тергеу жұмыстарын жүргізіп жатыр, деп хабарлайды kaztoday.kz.
Нәресте өткен жылдың тамыз айында облыстық перинаталдық орталықта дүниеге келген. Босанған соң анасы баланы басқа ата-анаға берген.
Тергеу мәліметінше, сатуға мүдделі болған дәрігерлер бала сатып алушыларды өздері тауып берген. Перинаталдық орталықтың бірнеше дәрігері әйелдің жаңа туған нәрестені беруге қарсы емес екенін біліп, оған жаңа ата-ана іздеген.
Сондай-ақ полицейлер босанған әйел босанар алдында тіпті дәрігерлердің бірінің үйінде тұрып, оның бақылауында болғаны жөніндегі деректі тексеріп жатыр.
Құзырлы орган өкілдерінің ақпаратынша, жаңа туған нәрестені сату фактісіне облыстық перинаталдық жоғары лауазымды дәрігердің қатысы болуы да мүмкін.
Қазіргі уақытта облыстық перинаталдық орталықтың бас дәрігері мұндай жанжал аясында жұмыстан шеттетілген жоқ. Еңбек демалысын алды.
